பள்ளிகள், கல்லூரி திறப்பு குறித்த அறிவிப்பு வெளியீடு: ஊரடங்கு பற்றிய தமிழக அரசின் அறிவிப்பு..!

64 / 100

தமிழகத்தில் கட்டுப்பாடுகளுடன்‌ கூடிய ஊரடங்கு மேலும்‌ இரண்டு வாரங்களுக்கு நீட்டிக்கப்படும் என்று தமிழக முதல்வர் மு.க.ஸ்டாலின்‌ தெரிவித்துள்ளார்.

பள்ளிகள், கல்லூரி திறப்பு குறித்த அறிவிப்பு வெளியீடு: ஊரடங்கு பற்றிய தமிழக அரசின் அறிவிப்பு..!

இதுபற்றி வெளியிடப்பட்ட அறிக்கையில் கூறியிருப்பதாவது :- தமிழகத்தில் கொரோனா நோய்த்‌ தொற்று பரவலின்‌ தன்மை அதன்‌ தாக்கம்‌ குறித்து மாண்புமிகு தமிழ்நாடு முதலமைச்சர்‌ மு.க.ஸ்டாலின்‌ தலைமையில்‌ இன்று தலைமைச்‌ செயலகத்தில்‌ மருத்துவ நிபுணர்‌ குழுவுடன்‌ ஆலோசனைக்‌ கூட்டம்‌ நடைபெற்றது. மேலும், மாவட்ட வாரியான நோய்ப்‌ பரவல்‌, ஊரடங்கு கட்டுப்பாடுகள்‌, தடுப்பூசி குறித்த விழிப்புணர்வு மற்றும்‌ கொரோனா கட்டுப்பாடு நடவடிக்கைகள்‌ செயலாக்கம்‌ குறித்து மருத்துவ நிபுணர்‌ குழுவினரிடம்‌ ஆலோசனை மேற்கொள்ளப்பட்டது.

இதைத் தொடர்ந்து, தமிழ்நாட்டில்‌ தற்போது நடைமுறையில்‌ உள்ள ஊரடங்கு 9ஆம் தேதி காலை 6.00 மணியுடன்‌ முடிவடையவுள்ள நிலையில்‌, தமிழகத்தில் பல்வேறு மாவட்டங்களில்‌ காணப்படும்‌ நோய்த்‌ தொற்று பரவல்‌: அண்டை மாநிலங்களில்‌ நோயின்‌ தாக்கம்‌ மற்றும்‌ மேற்கொள்ளப்படும்‌ நடவடிக்கைகள்‌ ஆகியவை குறித்து அரசு உயர்‌ அதிகாரிகள் மற்றும்‌ காவல்துறை அதிகாரிகளுடன் ஆலோசனைக்‌ கூட்டம்‌ நடைபெற்றது.

பள்ளிகள், கல்லூரி திறப்பு குறித்த அறிவிப்பு வெளியீடு: ஊரடங்கு பற்றிய தமிழக அரசின் அறிவிப்பு..!

மேலும், நடைமுறையில்‌ உள்ள கட்டுப்பாடுகளுடன்‌ கூடுதலாக கொரோனா நோய்த் தொற்று பரவலை கட்டுப்படுத்தும்‌ நோக்குடன்‌ அதிகளவில்‌ பொதுமக்கள்‌ ஒரே இடத்தில்‌, ஒரே நேரத்தில்‌ கூட்டம்‌ கூடுவதை தவிர்க்கும்‌ வகையில்‌ வெள்ளி, சனி மற்றும்‌ ஞாயிற்றுக்கிழமைகளில்‌ அனைத்து மத வழிபாட்டுத்‌ தலங்களிலும்‌ பொதுமக்கள்‌ வழிபாட்டிற்கு மட்டும்‌ தடை விதிக்கப்படுகிறது. கட்டுப்பாடுகளுடன்‌ மேலும்‌ இரண்டு வாரங்களுக்கு அதாவது, 23-ஆம் தேதி காலை 6.00 மணி வரை ஊரடங்கு நீட்டிக்கப்படுகிறது.

சென்ற வாரத்தில்‌ கூட்டம்‌ அதிகமாக கூடக்கூடிய நிகழ்வுகள்‌ மற்றும்‌ சந்தைப்‌ பகுதிகளில்‌ அந்தந்த மாவட்ட ஆட்சித்‌ தலைவர்கள்‌ மற்றும்‌ மாநகராட்சி ஆணையர்கள்‌/காவல்‌ துறையினரால்‌ மேற்கொள்ளப்பட்ட கட்டுப்பாட்டு நடவடிக்கைகளால்‌ நோய்த்‌ தொற்று பரவல்‌ கட்டுப்பாட்டுக்குள்‌ இருந்து வருகிறது. மாண்புமிகு முதலமைச்சர்‌ மு.க.ஸ்டாலின்‌ துவக்கி வைக்கப்பட்ட மாநிலம்‌ தழுவிய விழிப்புணர்வு நிகழ்ச்சிகள்‌ பொது மக்களிடையே கொரோனா நோய்த் தொற்று தொடர்பான விழிப்புணர்வினை அதிகரித்து வருகிறது.

பள்ளிகள், கல்லூரி திறப்பு குறித்த அறிவிப்பு வெளியீடு: ஊரடங்கு பற்றிய தமிழக அரசின் அறிவிப்பு..!

இந்தநிலையில், இன்று காலை நடந்த மருத்துவ நிபுணர்களுடன்‌ நடைபெற்ற ஆலோசனைக்‌ கூட்டத்தில்‌ கலந்துகொண்ட அனைவரும்‌ ஒருமித்த கருத்தாக பள்ளிகள்‌ திறக்கப்பட வேண்டியதன்‌ அவசியத்தை வலியுறுத்தினார்கள்‌. பள்ளிகள்‌ செல்லாமல்‌ பல மாதங்களாக தொடர்ந்து வீட்டிலேயே இருப்பது குழந்தைகளிடையே பெரும்‌ மன அழுத்தத்தையும்‌ சமுதாயத்தில்‌ பெரும்‌ கற்றல்‌ இடைவெளிபையும்‌ ஏற்படுத்தி வருவதாகவும்‌ நிபுணர்கள்‌ கருத்து தெரிவித்தனர்‌. மேலும்‌, இணையம்‌ மூலமாக நடத்தப்படும்‌ ஆன்லைன்‌ வகுப்புகளுக்கு பெரும்பாலான குழந்தைகளுக்கு கிடைக்காத சூழ்நிலை இருப்பதையும் அவர்கள்‌ சுட்டிக்காட்டினார்கள்‌.

கூட்டத்தில் தெரிவித்த அனைத்து தரப்பு கருத்துகளையும்‌ ஆய்ந்து அதன்‌ அடிப்படையில்‌ வரும்‌, செப்டம்பர்‌ 1ஆம்‌ தேதி முதல்‌ 9, 10, 11 மற்றும்‌ 12ம்‌ வகுப்புகளில்‌ ஒரு நேரத்தில்‌ 50 விழுக்காடு மாணவர்களுடன்‌ கொரோனா தொற்று குறித்த நிலையான வழிகாட்டு நெறிமுறைகளை பின்பற்றி பள்ளிகள்‌ துவங்க உத்தேசிக்கப்பட்டுள்ளது. மேலும்‌, இது சம்மந்தமாக பள்ளிக்கல்வித்‌துறை அதற்குரிய நடவடிக்கைகளை மேற்கொள்ள அறிவுறுத்தப்படுகிறது.

மேலும், மருத்துவ கல்லூரிகள்‌, செவிலியர்‌ படிப்பு உள்ளிட்ட மருத்துவம்‌ சார்ந்த கல்லூரிகள்‌ ஆகஸ்ட்‌ 16-ஆம்‌ தேதியிலிருந்து செயல்பட அனுமதிக்கப்படுகிறது. இது சம்மந்தமாக விரிவான வழிகாட்டு நெறிமுறைகளை மருத்துவம்‌ மற்றும்‌ மக்கள்‌ நல்வாழ்வுத்‌ துறை வெளியிடும்‌. இந்த மருத்துவ கல்லூரிகளில்‌ பயிலும்‌ மாணவ, மாணவிகளுக்கும், ஆசிரியர்களுக்கும்,‌ மற்றும் மருத்துவப்‌ பணியாளர்கள்‌ என்ற அடிப்படையில்‌ அவர்களுக்கு ஏற்கனவே தடுப்பூசிகள்‌ போடப்பட்டுள்ளன.

பொது

இறைச்சி கடைகள், மீன்‌ சந்தைகளில் மக்கள்‌ கூட்டம் கூடுவதை தவிர்க்கும்‌ பொருட்டு திறந்தவெளியில்‌ தனித்தனி கடைகளாக பிரித்து விற்பனை செய்வதை, அந்தந்த பகுதி உள்ளாட்சி அமைப்புகள்‌ உறுதி செய்ய வேண்டும்‌.

அரசால் அனுமதிக்கப்பட்டுள்ள அனைத்து கடைகள்‌, வணிக மற்றும் இதர நிறுவனங்கள் போன்றவைகளில் பொது மக்கள்‌ கூடக்கூடிய இடங்களில்‌, கீழ்க்கண்ட முக்கிய நிலையான வழிகாட்டு நடைமுறைகளை தவறாமல்‌ பின்பற்ற வேண்டும்‌.

அதேபோல், கடைகளின்‌ நுழைவு வாயிலில்‌ வாடிக்கையாளர்‌ பயன்படுத்தும்‌ வகையில்‌ கை சுத்திகரிப்பான்களை கண்டிப்பாக வைக்கப்பதோடு உடல்‌ வெப்பநிலை பரிசோதனை கருவியைக் கொண்டு பரிசோதனை செய்ய வேண்டும்‌.

மேலும், கடைகளில்‌ பணிபுரிபவர்களும்‌, கடைக்கு வரும் வாடிக்கையாளர்களும்‌ கட்டாயம்‌ முகக்கவசம்‌ அணிவதை சம்மந்தப்பட்ட நிர்வாகம்‌ உறுதி செய்யவேண்டும்‌.

உரிய காற்றோட்ட வசதியுடன்‌ அனைத்து கடைகளும்‌ செயல்படுவதோடு, கடைகளில்‌ சமூக இடைவெளியை கடைப்பிடிக்க வேண்டும். ஒரே நேரத்தில்‌ அதிகப்படியான வாடிக்கையாளர்களை கடைக்குள் அனுமதிக்கக்கூடாது.

அதேபோல், கடைகளின்‌ நுழைவு வாயிலில்‌ வாடிக்கையாளர்கள் வரிசையில்‌ காத்திருக்கும்‌போது, ஒரு நபருக்கும்‌ மற்றொருவருக்கும்‌ இடையே போதுமான இடைவெளி இருக்கும்‌ வகையில்‌ அடையாள குறியீடுகள்‌ போடப்பட வேண்டும்‌.

மேலும், அரசு தெரிவிக்கும் விதிமுறைகளைப்‌ பின்பற்றாமலும்‌ அனுமதிக்கப்பட்ட எண்ணிக்கைக்கு மேல்‌ வாடிக்கையாளர்கள் தங்கள் வணிக மற்றும் இதர நிறுவனங்களில் அனுமதித்திருந்தால் வணிக மற்றும் இதர நிறுவனங்கள் மீது நடவடிக்கை எடுக்கப்படும்‌.

நோய்த்‌ தொற்று பரவாமல் கட்டுப்படுத்துவதற்கான வழிமுறைகள்‌ அறிவோம்;

பள்ளிகள், கல்லூரி திறப்பு குறித்த அறிவிப்பு வெளியீடு: ஊரடங்கு பற்றிய தமிழக அரசின் அறிவிப்பு..!

கொரோனா நோய்த்‌ தொற்றுக்கு உள்ளானவர்களை கடண்டறிதல்‌, கொரோனா நோய்த்‌ தொற்றுக்குள்ளானவர்களுடன்‌ தொடர்பில்‌ இருந்தவர்களை கண்டறிதல்‌, சிகிச்சை அளித்தல்‌, தடுப்பூசி செலுத்துதல்‌ மற்றும்‌ கொரோனா நோய்த்‌ தடுப்பு நடவடிக்கைகளை பின்பற்றுதல்‌ ஆகிய கோட்பாடுகளை கண்டிப்பாக நடைமுறைப்படுத்தப்படும்‌.

கொரோனா நோய்த்‌ தொற்று பரவலை தடுப்பதற்கு, கொரோனா நோய்த்‌ தொற்று பாதிப்பிற்குள்ளானவர்கள்‌ உள்ள இடங்களுக்கு நோய்க்‌ கட்டுப்பாட்டு மண்டல எல்லைகளை, நுண்ணளவு வரை வரையறை செய்யப்பட்டு, நிலையான வழிகாட்டு நடைமுறைகளின்படி, தீவிரமாக நோய்த்‌ தடுப்பு நடவடிக்கைகளை, மாவட்‌ட ஆட்சியர்‌ மற்றும்‌ உள்ளாட்சி அமைப்புகள்‌ மேற்கொள்ள வேண்டும்‌.

மேலும், வரையறுக்கப்பட்ட நோய்க்கட்டுப்பாட்டு பகுதிகளில்‌ கீழ்க்கண்ட நோய்க்‌கட்டுப்பாட்டு நடவடிக்கைகள்‌ கண்டிப்பாக பின்பற்றப்பட வேண்டும்‌.

அதேபோல, நோய்க்‌கட்டுப்பாட்டு பகுதிகளில்‌ அத்தியாவசிய செயல்பாடுகளுக்கு மட்டும்‌ அனுமதி அளிக்கப்பட வேண்டும்‌. இந்த நோய்‌ கட்டுப்பாட்டு பகுதிகளில்‌ மருத்துவ அவசர சேவைகள்‌ மற்றும்‌ அத்தியாவசியப்‌ பொருட்கள்‌ வழங்குதல்‌ தவிர வேறு இதர செயல்பாடுகளுக்கு அனுமதி கண்டிப்பாக இல்லை.

மேலும், நோய்‌க்கட்டுப்பாட்டு பகுதிகளில்‌ தீவிரமாக நோய்த்‌தொற்று பரவலை வீடு வீடாக கண்காணிக்க குழுக்கள்‌ அமைத்து கண்காணிக்கப்படும்‌. அரசு அனுமதிக்கப்பட்ட பல்வேறு செயல்பாடுகளுக்கான நிலையான, வழிகாட்டு நடைமுறைகள்‌ தொடர்புடைய துறைகளால்‌ கட்டாயம் அமல்படுத்தப்படுத்தப்பட வேண்டும்‌. கொரோனா என்னும் பெருந் தொற்றைக்‌ கட்டுப்படுத்த பொது மக்கள்‌ அவசியமின்றி வீட்டிலிருந்து வெளியில்‌ வருவதையும்‌ கூட்டம்‌ கூடுவதைபும்‌ தவிர்க்க வேண்டும்‌ என்று கேட்டுக்கொள்கிறேன்‌

இப்படி பல்வேறு வகையான விழிப்புணர்வு நடவடிக்கைகளை அந்தந்த மாவட்ட ஆட்சித்‌ தலைவர்கள்‌ மற்றும் உள்ளாட்சி அமைப்பின்‌ பொறுப்பாளர்கள்‌ தொடர்ந்து பொதுமக்களிடையே ஏற்படுத்தி வேண்டும். இந்த பெருந் தொற்று நோய்‌ பரவலை தடுத்திட முன்மாதிரி நடவடிக்கைகள்‌ மேற்கொள்ளுமாறு கேட்டுக்கொள்கிறேன்‌. மேலும், கொரோனா நோய்‌த் தொற்று பரவலை தடுப்பிற்கான உறுதி மொழியினை ஒவ்வொருவரும்‌ கட்டாயம் எடுத்துக்கொண்டு, சொல்லிலும்‌ செயலிலும்‌ பின்பற்றுமாறு உங்கள்‌ அனைவரையும்‌ அன்புடன்‌ கேட்டுக்கொள்கிறேன்‌.

மேலும்‌, கொரோனா நோய்த்‌ தொற்று மேலாண்மைக்கான தேசிய வழிகாட்டு நடைமுறைகளில்‌ குறிப்பிட்டுள்ளபடி, பொது இடங்களில்‌ முகக்‌ கவசம்‌ அணிவது, சமூக இடைவெளியினை கடைபிடிப்பது, கைகளை அடிக்கடி சோப்பு – கிருமிநாசினி கொண்டு சுத்தம்‌ செய்வது ஆகியவற்றை கட்டாயம்‌ பின்பற்றவும்,‌ பொதுமக்கள்‌ கொரோனா நோய்த் தொற்றின் அறிகுறிகள்‌ தென்பட்டவுடன்‌ உடனே அருகிலுள்ள, மருத்துவமனைகளை நாடி, மருத்துவ ஆலோசனை பெற்று சிகிச்சை பெறவும்‌ கேட்டுக்கொள்கிறேன்‌.

பொது மக்கள்‌ அனைவரும்‌ தமிழக அரசின்‌ முயற்சிகளுக்கு முழு ஒத்துழைப்பு நல்கி, கொரோனா என்னும் பெருந் தொற்றினை முற்றிலும்‌ அகற்ற உதவிட வேண்டுமென அன்புடன்‌ கேட்டுக்‌ கொள்கிறேன்‌, என தெரிவிக்கப்பட்டுள்ளது.

டாஸ்மாக் நிர்வாகத்தில் லஞ்ச ஒழிப்புத்துறை அதிரடி

தீபாவளி பண்டிகையையொட்டி 3 நாட்களுக்கு இரவு 7 மணி வரை ரேஷன் கடைகள் இயங்கும் : தமிழக அரசு அறிவிப்பு

உள்ளாட்சி இடைத்தேர்தல்: கோவையில் திமுகவிற்கு ஏறுமுகம்… அதிமுகவிற்கு இறங்குமுகம்…

தேயிலை எஸ்டேட் பகுதிகளில் பகுதி நேர நூலகம் வேண்டும்: வால்பாறை வாசகர்கள் கோரிக்கை

பொன்முடி, செந்தில்பாலாஜி அமைச்சர்களின் வழக்குகளால் திமுக அரசுக்கு புது தலைவலி!

About Vengai Vetri 273 Articles
Vengai Vetri Tamil News

Be the first to comment

Leave a Reply

Your email address will not be published.


*